有冇巴絲覺得自己有外貌焦慮症 | 連登感情台 | 個人成長與人際關係
有冇巴絲覺得自己有外貌焦慮症 | 連登感情台 | 個人成長與人際關係
男性比較幸運，少會拎自己同同性比較。
女仔呢就比較多呢種焦慮，
女仔識用自己同人哋比較，
例如以前有個朋友一出街，
望到其他女仔靚過自己，
就會唉一大聲。#respect
有咗 ig 之後，發現個世界咁多神，
自然知道人同人嘅分別喺大過人同狗。
不過都要知自信不只限於外表，
再講落去，即使明星大家都見到有好多種，
關鍵在於你能否搵到自己的特別之處。
🤔如果是應用於愛情
雖然外貌喺初次印象／吸引力方面起到作用，
但並非喺建立有意義同長久關係中唯一嘅因素。
性格、價值觀、共同興趣、
互相理解同埋支持等因素往往更重要，
比對方了解到欣賞到你嘅 Unique Value 對於一段穩定關係更加必須。
除非你是想做純愛戰神，
以狩獵唔同男性為戰績，
咁就另計。（請聯絡我，快）
😮想想如何建立自尊和自信
巴絲們可以通過發展同欣賞自己內在嘅特質同埋能力，
幫助自己了解價值並不局限於外貌。
你可以專注自己專長／個人興趣，加以發揮，
音樂叻就玩音樂，
或者基本由今日起開始做運動，
身材管理人人平等，
你唔得只係未戒糖 only。
你又可以 set 一啲實際同埋能夠達到嘅目標比自己，
如追求一個健康飲食餐單同埋健身等計劃。
行動仲比空想好，
知道自己都能夠做到呢一個感覺喺好重要嘅。
🧐避免負面嘅自我對話
當個腦話緊自己，批評緊自己外貌果時，
嘗試搵吓其他方法停止呢種內心獨白（Internal monologue），
搵一啲正面同真實的自我評價。
提高自尊心同埋建立能夠達到嘅目標，
一步一步成為自己心目中的形象絕對可以減輕外貌焦慮。
當然，如果你去到好嚴重情況，
就真係要搵專家幫幫手。
Comments